សម្លរ​ស្ងោរ​ជ្រក់ គឺ​ជាសម្លរ​ដែល​ងាយ​ស្រួល​ចម្អិន ហើយ​មាន​អ្នក​និយម​ចូល​ចិត្ត​ច្រើន​ផងដែរ។ ប៉ុន្តែ​ពេល​នេះ  សូម​លើក​យក​ពិ​វិធី​ធ្វើ​ ស្ងោរ​ជ្រក់​តាម​បែប​ថៃ មក​បង្ហាញ​ឲ្យ​ប្រិយ​មិត្ត​បាន​ស្គាល់​វិញ​ម្តង។

+ គ្រឿងផ្សំ

- សាច់មាន់ (កាប់ជាដុំៗ)

- គល់ស្លឹកគ្រៃ ៣ គល់ (កាត់ជាពីរៗ)

- រំដេង ១ដុំ (ដុតឲ្យល្មមហើយយកមកដំ)

- ស្លឹកក្រូចសើច ៤-៥ សន្លឹក

- ខ្ទឹមក្រហម ៣ ដុំ(ហាន់ស្តើងៗ)

- ក្រូចឆ្មា

- ជីនាងវង ១ ក្តាប់

- ជីវាន់ស៊ុយ (ហាន់តាមចំណូលចិត្ត)

- អំបិល (កន្លះស្លាបព្រាបាយ)

- ប៊ីចេង (១ស្លាបព្រាកាហ្វេ)

- ស្ករពាង (កន្លះស្លាបព្រាកាហ្វេ)

- ម្ទេស២-៣ផ្លែ (ហាន់បញ្ឆិតៗ)

 

+ វិធីធ្វើ

១. ជា​ដំបូង​អ្នក​ត្រូវ​ដាក់​ឆ្នាំង​ដាំ​ទឹក​ឲ្យ​ពុះ​សិន ពេល​ដែល​ទឹក​ពុះ​ហើយ ដាក់​ខ្ទឹម​ក្រហម, គល់​ស្លឹក​គ្រៃ, ស្លឹក​ក្រូច​សើច និង​រំដេង​គ្រប​ទុក​ឲ្យ​ពុះ។

២. បន្ទាប់​ពី​ទឹក​ពុះ​ហើយ ត្រូវ​ដាក់​សាច់​មាន់ចូល ហើយ​រង់​ចាំ​មួយ​រំពុះ​ម្តង​ទៀត។ ពេល​ដែល​ទឹក​ពុះជា​លើក​ទី​ពីរ​ហើយ ដាក់​អំបិល, ប៊ីចេង, ស្ករពាង និង​ម្ទេស។

 

បញ្ជាក់៖ ក្រូចឆ្មា, ជីនាង​វង និង​ជីវ៉ាន់​ស៊ុយ​ទុកក​ដាក់​ក្នុង​ចាន​ដោយ​ឡែក សម្រាប់​បន្ថែម​ពេល​ដួស​ដាក់​ចាន៕