តើ​មាន​មិត្តៗ​ណា​ខ្លះ​ដែល​ ចូល​ចិញ​ញ៉ាំ​ម្ហូប​ចៀន​ជួន ? ចៀន​ជួ​នគឺជា​អាហារ​មួយ​ប្រភេទ​ដែល​គេ​ផ្សំ​ឡើង​ពី ត្រី, ខ្ញី​, សៀង​ផ្អែម ព្រម​ទាំង​គ្រឿង​ទេស​ផ្សេងៗ​ទៀត។ ក៏​ប៉ុន្តែ​ចំពោះ​ត្រី​វិញ ប្រិយមិត្ត​អាច​ជ្រើស​រើស​ត្រី​ប្រភេទ​ណា​​ក៏​បាន ព្រោះ​ម្ហូប​មួយ​មុខ​នេះ​មិន​ប្រកាន់​ត្រី​អ្វី​ឡើយ។

+ គ្រឿងផ្សំ

- ត្រីដែល​អ្ន​ក​ចូល​ចិត្ត ៥០០ក្រាម ឬត្រីដែលអ្នកចូលចិត្ត

- ខ្ញី ២០០ក្រាមចិតជាបន្ទះហាន់់វែងៗ ៣ថ្នាំងដៃ

- សៀងផ្អែម ៥ស្លាបព្រាបាយ

- ខ្ទឹមស ៤កំពឹសចិញ្ច្រាំ

- ស្លឹកខ្ទឹម ២ដើមហាន់តូចល្មម

- ប៊ីចេង កន្លះស្លាបព្រាកាហ្វេ

- ស្ករស ២ស្លាបព្រាបាយកន្លះ

 

+ វិធីធ្វើ

១. ដំ​បូង​អ្នក​ត្រូវ​យក​ត្រី​មក​ដាក់​ចៀន​ ឬបំពងឲ្យ​ឆ្អិន​ រួច​​ទុក​វា​​មួយ​​ឡែក​សិន។

២. ដាក់​ប្រេង​ឆា​ចូល​ក្នុង​ខ្ទះ​ឲ្យ​ក្តៅ ​បន្ទាប់​​មក​​ដាក់​​ខ្ទឹម​ស​ចូល​បំពង​​ឲ្យ​មាន​​ខ្លិន​​ឈ្ងុយ​​ទើប​​ដាក់​​ សៀង​, ស្ករស, ប៊ីចេង និង​ទឹកចូល​បន្តិច ទុកឲ្យ​​ពុះ​បន្ថែម​​ខ្ញី (ប្រសិន​​បើ​​អ្នក​​មិន​​ចូល​​ចិត្ត​ហិរ​ទេ​ត្រូវ​​បំពង​ជា​​មុន​​សិន) រួច​​ហើយ​​ឆា​​វា​​​បញ្ចូល​​គ្នា។​

៣.បន្ទាប់​ពី​ឆា​វា​​បញ្ចូល​គ្នា​ហើយ ​ត្រូវ​​យក​ត្រី​​ដែល​​អ្នក​បាន​​ចៀន​​ ឬបំពង​​មក​ដាក់​​ពី​​លើ​ រួច​ចូក​​​ត្រ​ឡប់​​ម្ខាង​​ទៀត​​ដើម្បី​​ឲ្យ​​វា​ចូល​​ជាតិ​សព្វ​ឆ្ងាញ់​​ ល្អ​៕